காவல் நிலையத்துக்கு ISO தரச்சான்று : 

கோவை மாவட்ட காவல்துறை மக்களுடன் நட்பு மிக்க காவல் சேவைகளை வழங்க பல்வேறு முயற்சிகளை தொடர்ந்து மேற்கொண்டு வருகிறது.

இந்த முயற்சிகளின் தொடர்ச்சியாக, நிர்வாகத்திறன், சேவை தரம், புகார் கையாளுதல், ஆவண முகாமைத்துவம், சுத்தம் மற்றும் பொதுமக்களுக்கு அணுகல் ஆகியவற்றில் சிறப்பினை காட்டிய 15 காவல் நிலையங்களுக்கு ஐஎஸ்ஓ சான்றிதழ்கள் வழங்கப்பட்டன.

இதில் ஆனைமலை காவல் நிலையம் பணியிடத்தில் பாதுகாப்பு மற்றும் சுகாதாரத்தை உறுதி செய்வது ஆகியவற்றை பாராட்டி சர்வதேச தரக்கட்டுப்பாட்டு நிறுவனத்தின் அங்கீகாரச் சான்றிதழ்
வழங்கப்பட்டது.

அதிகார வரம்பிற்குள் அமைதியை உறுதி செய்வதற்காக, சட்டங்களை அமல்படுத்துதல். குற்றங்களைத் தடுத்தல், சட்டம் மற்றும் ஒழுங்கைப் பராமரித்தல், அவசரநிலைகளுக்குப் பதிலளித்தல் மற்றும் ஆதரவு சேவைகளை வழங்குதல். உள்ளிட்ட பல்வேறு வசதிகளின் அடிப்படையில் இந்த தரச்சான்றிதழ் வழங்கப்பட்டுள்ளது.

பொதுநலனுக்காக கடமை உணர்ச்சியுடன் அர்ப்பணித்து சேவை செய்த கோயம்புத்தூர் மாவட்ட காவல் துறையின் உழைப்பை அங்கீகரிக்கும் விதமாக இந்த சான்றிதழ் வழங்கப்பட்டுள்ளது.

இந்த சாதனையை நிகழ்த்திய அதிகாரிகள் மற்றும் பணியாளர்களுக்கு கோவை மாவட்ட காவல் உயரதிகாரிகள் வாழ்த்துக்களை தெரிவித்தனர். இதனை அடுத்து அங்கு பணி புரியும் அனைத்து காவலர்களும் ஐஎஸ்ஓ தர சான்றிதழ் வைத்து குழு புகைப்படம் எடுத்துக் கொண்டனர்.

Related Link

கிரிக்கெட் விளையாடிக் கொண்டிருந்தபோது பரிதாபம்