ஆர்சிபி அணியில் இணையும் பிலிப் சால்ட் :

நடப்பு ஐபிஎல் தொடரில் பெங்களூரு அணியில் இதுவரை பங்கேற்காமல் இருந்த ஆஸ்திரேலிய வீரர் பிலிப் சால்ட், விரைவில் அணியில் இணைய உள்ளார்.

முழு உடற் தகுதியை எட்டியுள்ளதால் அணியில் இடம் பெறுவது உறுதியாகியுள்ளது. ராய்ப்பூரில் 13-ம் தேதி நடைபெறும் கொல்கத்தா நைட் ரைடர்ஸ் அணிக்கு எதிரான போட்டியில் பிலிப் சால்ட் பங்கேற்கலாம் என கூறப்படுகிறது.

இத்தாலி ஓபன் சர்வதேச டென்னிஸ் போட்டி :

இத்தாலி ஓபன் சர்வதேச டென்னிஸ் போட்டியில் உலகின் நம்பர் 1 வீராங்கனை அரினா சபலென்கா அதிர்ச்சி தோல்வியடைந்தார். பெண்கள் ஒற்றையர் பிரிவின் 3-வது சுற்றில் ரொமானியாவின் சொரானா, 2-க்கு 6, 6-க்கு 3 மற்றும் 7-க்கு 5 என்ற புள்ளி கணக்கில் முன்னிலை பெற்று 4-வது சுற்றுக்கு முன்னேறினார்.

2026 ஐபிஎல் தொடரின் பார்வையாளர்கள் குறைவு :

2026 ஐபிஎல் தொடரில் தொலைக்காட்சி பார்வையாளர்களின் எண்ணிக்கை 18 புள்ளி 8 சதவீதமாக குறைந்துள்ளதாக பார்க் மற்றும் TAM ஸ்போர்ட்ஸ் ஆய்வு முடிவில் தகவல் வெளியானது.

19-வது ஐ.பி.எல். கிரிக்கெட் திருவிழா இந்தியாவின் பல்வேறு நகரங்களில் நடைபெற்று வரும் நிலையில், பார்வையாளர்களின் எண்ணிக்கை குறைய காரணம் என்ன என்பது குறித்து ஆய்வு செய்யவும் ஐபிஎல் நிர்வாகம் திட்டமிட்டுள்ளது.

Related Link

பத்திரிகையாளர்களுக்கு இனிப்பு வழங்கிய சூர்யகுமார்