அதிமுக கூட்டணியில் இணையுமாறு தவெக தலைவர் விஜய், நாதக ஒருங்கிணைப்பாளர் சீமான் ஆகியோருக்கு அதிமுக பொதுச் செயலாளர் எடப்பாடி பழனிசாமி அழைப்பு விடுத்துள்ளார்.

ஆங்கில நாளிதழுக்கு அவர் அளித்த பேட்டியில், தமிழ்நாட்டில் கூட்டணி ஆட்சி அமைய மக்கள் இதுவரை விரும்பியதில்லை என்றும் கட்சி தொண்டர்களை குஷிப்படுத்த கூட்டணி ஆட்சி என கூறுவதை பொருட்படுத்த வேண்டியதில்லை என்றும் பாஜகவுக்கு பதிலளித்தார்.

மேலும், திமுகவை எதிர்க்க வேண்டும் என்ற ஒற்றை நோக்கில் உள்ள அனைவரும் ஒன்றிணைய வேண்டும் என்றதோடு ஒத்த கருத்துடைய கட்சிகள் என்றால் தவெக, நாதகவுக்கு பொருந்தும் என கூறினார்.