தீபாவளி பண்டிகையை முன்னிட்டு, தலைநகர் டெல்லியில் கடும் போக்குவரத்து நெரிசல் ஏற்பட்டுள்ளதால் பொதுமக்கள் பாதிக்கப்பட்டுள்ளனர். டெல்லியின் முக்கிய பகுதிகளான ரிங் ரோடுகள் மற்றும் காஜியாபாத், நொய்டா, குருகிராம் வரை செல்லும் பிற முக்கிய பகுதிகளில் போக்குவரத்து நெரிசல் அதிகரித்து வருகிறது. டெல்லியில் இதுபோன்ற போக்குவரத்தை தான் பார்த்ததில்லை என இணையவாசிகள் விமர்சித்து வருகின்றனர். மேலும் சிலர், 2 மணி நேரத்திற்கும் மேலாக ஒரே இடத்தில் சிக்கிக்கொண்டு இருப்பதாகவும், எதுவும் நகரவில்லை என்றும் வேதனை தெரிவித்தனர்.