Also Watch
Read this
பிரச்சாரத்திற்கு அனுமதி மறுப்பு, விஜய் கொந்தளிப்பு
திடீர் பள்ளங்களும் தடுப்புகளும் எங்கிருந்து வந்தன?
தவெக தேர்தல் பிரச்சாரத்திற்கு, திட்டமிட்டு முட்டுக்கட்டை போடுவதாக, விஜய் குற்றம் சாட்டியுள்ளார்.
வீடியோ வெளியிட்டு விஜய் பதிவு
இதுதொடர்பாக, தவெக தலைவர் விஜய் வெளியிட்ட பதிவில் கூறி இருப்பதாவது;
தமிழக வெற்றிக் கழகத்தின் சார்பில் திட்டமிடப்பட்ட பரப்புரைக்குச் சென்னை மாநகரக் காவல் துறையும், அதிகாரிகள் சிலரும் இணைந்து முட்டுக்கட்டை போட்டிருப்பது, ஜனநாயகத்தின் மீது நடத்தப்பட்டுள்ள ஒரு பாசிசத் தாக்குதலே ஆகும். நிகழ்ச்சிக்கு இரண்டு நாள்கள் முன்பே (26/03/26) தமிழக வெற்றிக் கழகத்தின் சார்பில், சென்னை பெரம்பூர் சட்டமன்றத் தொகுதி, முல்லை நகர் சந்திப்பில் தேர்தல் பிரசாரம் மேற்கொள்ள அனுமதி கோரப்பட்டது. ஆனால், நம்முடைய தேர்தல் பரப்புரை நிகழ்வுக்கு ஒரு நாளுக்கு முன்பு, சென்னை மாநகராட்சி சார்பில் திடீரென அந்த இடத்தில் பள்ளம் தோண்டப்பட்டு, இரும்பால் ஆன தடுப்புகள் வைக்கப்பட்டு உள்ளன. இந்த திடீர் பள்ளங்களும் தடுப்புகளும் எங்கிருந்து வந்தன?
வெட்கமாக இல்லையா?
இந்த நிலையில், அங்கே காவல் துறை ஆய்வு செய்து 3000 பேர் கூட முடியாது என்று கூறியுள்ளது. இதன் அடிப்படையில் தற்போது அந்த இடம் பிரசாரம் செய்வதற்கு உகந்ததல்ல என்று அனுமதி மறுக்கப்பட்டு, தமிழக வெற்றிக் கழகத்தின் மனு நிராகரிக்கப்பட்டுள்ளது. இப்படி அதிகாரிகள் சிலரின் துணையுடன் த.வெ.க.விற்கு எதிராகச் செயல்படும் தி.மு.க. காபந்து அரசுக்கு வெட்கமாக இல்லையா? தமிழக வெற்றிக் கழகத்தின் சார்பில் நான் தேர்தல் பிரசாரம் மேற்கொள்ள முயற்சி செய்யும் போதெல்லாம், தி.மு.க. அரசு ஏதேதோ காரணங்களைக் கூறி, அனுமதியைத் தாமதிப்பதும் அல்லது அனுமதி மறுப்பதும் தொடர்கதையாகி வருகிறது.
வீட்டிற்கு அனுப்பப் போவது உறுதி
மக்களின் பேராதரவைப் பெற்ற ஒரு புதிய அரசியல் கட்சியின் ஜனநாயக உரிமைகளைத் திட்டமிட்டு நசுக்கும் இந்தச் செயல், ஆளுங்கட்சியின் ஏவலர்களாக அதிகாரிகள் சிலர் செயல்படுகிறார்களா? என்ற எண்ணத்தை ஏற்படுத்துகிறது. அத்துடன் “எங்களுக்கு எதிராக யார் உருவெடுத்தாலும் அவர்களை அதிகார பலத்தால் நசுக்குவோம்" என நினைப்பது அப்பட்டமான அடக்குமுறையே ஆகும். தமிழக வெற்றிக் கழகத்தைக் கண்டு தி.மு.க. எந்த அளவிற்கு அஞ்சுகிறது என்பதற்கு இந்தத் தடையே சாட்சி. எனவே, வரும் சட்டமன்றத் தேர்தலில் ஜனநாயக விரோத தி.மு.க. ஆட்சியைத் தமிழக மக்கள், வீட்டிற்கு அனுப்பப் போவது உறுதி.
இவ்வாறு தவெக தலைவர் விஜய் பதிவிட்டுள்ளார்.
Related Link
யார் யாருக்கு எந்தெந்த தொகுதி?
Recent News
4000 டாஸ்மாக் கடைகள் மூடப்படுமா?
அமைச்சர் செங்கோட்டையன் மருத்துவமனையில் அனுமதி
மே4ல் நடந்தது என்ன? புது புயலை கிளப்பிய மாணிக்கம் தாகூர்
CM விஜய் பேசியதை சொல்லி அழுத கோவை சிறுமியின் பாட்டி
சிறைத்துறையில் வரப்போகும் மெகா மாற்றம்!
மம்தா பானர்ஜி நிறுவிய சர்ச்சைக்குரிய கால்பந்து சிற்பம் அகற்றம்
எபோலாவுக்கு எதிரான அவசரகால தடுப்பு நடவடிக்கை
மும்பை இண்டியன்ஸ் - ராஜஸ்தான் ராயல்ஸ் மோதல்
© Copyright Newstamil 24x7 2026. All rights reserved