இந்திய கிரிக்கெட் வீரர் ஸ்ரேயாஸ் ஐயரை மனதிலேயே திருமணம் செய்து கொண்டதாகவும், அவரது 2 குழந்தைகளுக்கு தாம் தாயாகி விட்டதாக நம்புவதாகவும் பிரபல ஹிந்தி பிக் பாஸ் பிரபலம் எடின் ரோஸ் கூறி பரபரப்பை ஏற்படுத்தியுள்ளார்.

மேலும், தாம் எதற்காக ஸ்ரேயாஸ் ஐயரை விரும்புகிறேன், அவரிடம் அப்படி என்ன உள்ளது என்பது குறித்தும் விவரித்திருக்கும் அவர், தங்கள் இருவரது தந்தையும் தமிழர்கள் எனவும் கூறியுள்ளார்.

அதோடு, தம்மை பொறுத்தவரை, தமக்கு கணவராக வருபவர் உயரமாகவும், கருப்பாகவும், வாட்டசாட்டமாகவும் இருக்க வேண்டும் எனவும், தாடி வைத்திருக்க வேண்டும் எனவும் கூறியுள்ளவர், இவை அனைத்தும் ஸ்ரேயாஸ் ஐயரிடம் இருப்பதாகவும் கூறியுள்ளார்.