பிரதமர் மோடியை சந்தித்த பின்னர் தனது மகன் இவான் இந்தியாவில் வாழ விரும்புவதாக தன்னிடம் கூறியதாக அமெரிக்கா துணை அதிபர் ஜே.டி. வான்ஸ் கூறியுள்ளார். 4 நாள் அரசு முறை பயணமாக குடும்பத்தினருடன் இந்தியா வந்துள்ள ஜே.டி. வான்ஸ், பிரதமர் நரேந்திர மோடியின் விருந்தோம்பலில் குடும்பத்துடன் கலந்து கொண்டார். அதற்கு நன்றி தெரிவித்துள்ள அவர் தனது மூன்று குழந்தைகள் பிரதமரை மிகவும் விரும்புவதாகவும் தெரிவித்தார்.