பெங்களூர் சேலம் செல்லும் தேசிய நெடுஞ்சாலை விபத்துக்களை தடுக்க தருமபுரி மாவட்டம் தொப்பூர் கணவாய் சாலை கடந்த மூன்று ஆண்டுகளில் 200-க்கும் மேற்பட்ட உயிரிழப்புகளை சந்தித்த தொப்பூர் கணவாய் சாலை, வாகனங்களின் வேகத்தைக் குறைக்கவும்.

அவற்றின் நிலைத்தன்மையை மேம்படுத்தவும், ஆங்காங்கே சிவப்பு நிறத்தில் வர்ணம் பூசப்பட்ட மாநிலத்தின் முதல் தேசிய நெடுஞ்சாலைப் பகுதியாக மாறியுள்ளது. தேசிய நெடுஞ்சாலை 44-இன் (NH 44) இரண்டு 300 மீட்டர் நீளப் பகுதிகள், 2 மீட்டர் x 3 மீட்டர் அளவிலான திட்டுகளாகப் பிரிக்கப்பட்டு, தெர்மோபிளாஸ்டிக் வர்ணம் கொண்டு சிவப்பு நிறத்தில் பூசப்பட்டுள்ளன.

இது சாலையின் காட்சித் தெளிவை மேம்படுத்துவதோடு, வாகன ஓட்டிகளை விழிப்புடன் வைத்திருக்கவும் உதவும் என்று இந்திய தேசிய நெடுஞ்சாலை ஆணையத்தின் (NHAI)
வட்டாரங்கள் தெரிவித்தன.

இந்தச் சிவப்பு நிறம், மனிதர்களுக்கும் விலங்குகளுக்கும் இடையிலான மோதல்களைத் தடுக்கவும் உதவும் நோக்கில் அமைக்கப்பட்டுள்ளது. தருமபுரியிலிருந்து சேலம் வரையிலான சாலைப் பகுதி குறிப்பாக அதிக விபத்துகள் நிகழக்கூடிய பகுதியாக உள்ளது.

இப்பகுதிகளில் சாலையின் சரிவு மிகவும் செங்குத்தாக அமைந்துள்ளது. ஈர்ப்பு விசையின் காரணமாக வாகனங்கள் அதிக வேகத்தை எட்டுகின்றன. இதனால் வாகன ஓட்டிகள் பெரும்பாலும் தங்கள் கட்டுப்பாட்டை இழக்க நேரிடுகிறது.

இப்பிரச்சினைக்கு ஒரு நிரந்தரத் தீர்வைக் காணும் வகையில், 8.68 கிலோமீட்டர் நீளத்திற்கு 905 கோடி ரூபாய் மதிப்பீட்டில் ஒரு உயர்மட்டச் சாலையை அமைக்கும் பணியை தேசிய நெடுஞ்சாலை துறையினர் கடந்த மார்ச் 2025-இல் தொடங்கியது.

மாவட்டத்தில் உள்ள தொப்பூர் கனிகரஹல்லியிலிருந்து சேலம் மாவட்டத்தில் உள்ள சக்கராப்பட்டி வரை இந்த நான்கு வழிச் சாலை திட்டத்தின் பணிகளில் மொத்தம் 34
சதவீதம் நிறைவடைந்துள்ளன.

மார்ச் 2028-இல் நிறைவுபெறத் திட்டமிடப்பட்டுள்ள இத்திட்டத்தின் பணிகள் திட்டமிட்டு நடைபெற்று வருகிறது.

Related Link

உடல்நலம் பாதித்த சிறுவனுக்கு நிதி உதவி