கடந்த 60 ஆண்டுகளாக நாட்டில் அமலில் உள்ள வருமான வரி சட்டத்துக்கு மாற்றாக இயற்றப்பட்ட புதிய வருமான வரி மசோதா, மக்களவையை தொடர்ந்து மாநிலங்களவையிலும் நிறைவேற்றப்பட்டது.

இம்மசோதா மீதான விவாதத்தில் பேசிய மத்திய நிதியமைச்சர் நிர்மலா சீதாராமன், புதிய சட்டத்தில் புதிதாக எந்த வரிகளும் விதிக்கப்படவில்லை என்பதை தெளிவுப்படுத்தினார்.

பழைய சட்டத்தில் இருந்த
சிக்கல்களை எளிமையாக்க வருமான வரிச்சட்டங்களை மோடி அரசு எளிமையாக்கி உள்ளதாக கூறினார்.

இதையடுத்து மசோதா மாநிலங்களவையில் நிறைவேறிய நிலையில் குடியரசு தலைவர் ஒப்புதலுக்காக அனுப்பி வைக்கப்பட்டது.

இந்த மசோதா சட்டமான பின்னர், 2026-ம் ஆண்டு ஏப்ரல் 1 முதல் அமலுக்கு வரும் என தெரிவிக்கப்பட்டுள்ளது.