2026ஆம் ஆண்டுக்கான ஐபிஎல் தொடரில் பிளேஆஃப் சுற்றுக்கான போட்டி நாளுக்கு நாள் உச்சகட்டத்தை எட்டியுள்ளது.

ஐபிஎல் தொடரின் 51ஆவது லீக் போட்டி
முக்கிய லீக் ஆட்டத்தில் Kolkata Knight Riders அணி, Delhi Capitals அணியை 8 விக்கெட் வித்தியாசத்தில் வீழ்த்தி முக்கிய வெற்றியை பதிவு செய்தது. தொடர்ந்து நான்காவது வெற்றியை பெற்றுள்ள கேகேஆர் அணி, தனது பிளேஆஃப் நம்பிக்கையை மேலும் வலுப்படுத்தியுள்ளது.

புள்ளிப்பட்டியலில் கடும் போட்டி
தற்போதைய புள்ளிப்பட்டியலில் Sunrisers Hyderabad அணி 14 புள்ளிகளுடன் முதலிடத்தில் திகழ்கிறது. தொடர்ந்து சிறப்பான ஆட்டத்தை வெளிப்படுத்தி வரும் இந்த அணி, சிறந்த நெட் ரன் ரேட்டையும் தக்க வைத்துள்ளது. இதனைத் தொடர்ந்து Punjab Kings அணி 13 புள்ளிகளுடன் இரண்டாவது இடத்தில் உள்ளது. Royal Challengers Bengaluru, Rajasthan Royals மற்றும் Gujarat Titans அணிகள் தலா 12 புள்ளிகளுடன் அடுத்தடுத்த இடங்களில் உள்ளதால், முதல் நான்கு இடங்களுக்கான போட்டி மிகவும் கடுமையாக மாறியுள்ளது.

சிஎஸ்கே எங்கே?
மற்றொரு பக்கம் Chennai Super Kings அணி 10 புள்ளிகளுடன் இன்னும் பிளேஆஃப் போட்டியில் நீடிக்கிறது. ஆனால் மீதமுள்ள போட்டிகளில் வெற்றி பெறுவது அந்த அணிக்கு கட்டாயமாகியுள்ளது.

கேகேஆர் வெற்றிக்குப் பின்னால்...
மே 8ல் நடைபெற்ற போட்டியில், டெல்லி அணி மீண்டும் தோல்வியை சந்தித்தது. முதலில் பேட்டிங் செய்த டெல்லி அணி, கேகேஆர் பந்துவீச்சை சமாளிக்க முடியாமல் 142 ரன்களுக்கு 8 விக்கெட்டுகளை இழந்தது. இதையடுத்து களமிறங்கிய கொல்கத்தா அணி ஆரம்பம் முதலே அதிரடியாக விளையாடியது. தொடக்க வீரர்கள் வேகமாக ரன்கள் சேர்த்ததால் போட்டி முழுவதும் கேகேஆர் அணியின் கட்டுப்பாட்டிலேயே இருந்தது.

டெல்லி அணிக்கு எந்த இடம்?
குறிப்பாக Finn Allen தனது அதிரடி ஆட்டத்தால் ரசிகர்களை உற்சாகப்படுத்தினார். வெறும் 47 பந்துகளில் சதம் அடித்த அவர், டெல்லி பந்துவீச்சை முழுமையாக சிதறடித்தார்.

இறுதியில் 14.2 ஓவர்களில் இலக்கை எட்டிய கேகேஆர் அணி, 8 விக்கெட் வித்தியாசத்தில் அபார வெற்றி பெற்றது. இந்த வெற்றியின் மூலம் கேகேஆர் அணி தற்போது 9 புள்ளிகளுடன் 8வது இடத்தில் நீடித்தாலும், பிளேஆஃப் வாய்ப்பை தக்க வைத்துள்ளது. அதே நேரத்தில் தொடர்ந்து தோல்விகளை சந்தித்து வரும் டெல்லி அணி 8 புள்ளிகளுடன் 7வது இடத்தில் உள்ளது.

Related Link

Points Tableல் முந்தப் போவது யார்? அனல் பறக்கப்போகும் இன்றைய ஐபிஎல் ஆட்டம்