உலகின் மிகப்பெரிய பொருளாதார நாடான அமெரிக்காவின், தேசியக் கடன் 3 ஆயிரத்து 339 லட்சம் கோடி ரூபாயாக அதிகரித்து உள்ளதாகவும், இதன்படி ஒவ்வொரு அமெரிக்கரின் தலையிலும் 1 கோடி ரூபாய் கடன் இருப்பதாகவும் தகவல் வெளியாகியுள்ளது. இதுதொடர்பாக அமெரிக்க நிதி அமைச்சகம் வெளியிட்டுள்ள அறிக்கையில், கடந்த 2024 நவம்பரில் நாட்டின் மொத்தக் கடன் தொகை 3 ஆயிரத்து 163 லட்சம் கோடி ரூபாயாக இருந்ததாகவும், இது இந்தாண்டு ஆகஸ்ட் மாதத்தில், 3 ஆயிரத்து 250 லட்சம் கோடி ரூபாயாக உயர்ந்ததாகவும் குறிப்பிடப்பட்டுள்ளது. அமெரிக்காவின் இந்த கடன் தொகை, இந்தியா, சீனா, ஜப்பான், ஜெர்மனி, பிரிட்டன் ஆகிய பெரிய நாடுகளின் பொருளாதாரங்களுக்கு சமம் என்றும் கூறப்படுகிறது.