பெண்கள் டி20 உலகக் கோப்பை கிரிக்கெட் தொடரின் லீக் ஆட்டத்தில் இலங்கை அணியை வீழ்த்தி இந்திய மகளிர் அணி 82 ரன்கள் வித்தியாசத்தில் வெற்றி பெற்றது. முதலில் விளையாடிய இந்திய மகளிர் அணி 20 ஓவர்கள் முடிவில், 3 விக்கெட் இழப்பிற்கு 172 ரன்கள் குவித்தது. அதிரடியாக விளையாடிய ஹர்மன்ப்ரீத் கவுர் 52 ரன்களும், ஸ்மிருதி மந்தனா 50 ரன்களும் குவித்தனர். இதையடுத்து 173 ரன்கள் எடுத்தால் வெற்றி என்ற இலக்குடன் களமிறங்கிய இலங்கை மகளிர் அணி வீராங்கனைகள் அடுத்தடுத்து விக்கெட்டுகளை இழந்து தடுமாறினர். இறுதியாக கடைசி ஓவரில் அனைத்து விக்கெட்டுகளையும் இழந்த இலங்கை மகளிர் அணி 90 ரன்கள் மட்டுமே எடுத்தது. இதனால் இந்திய அணி 82 ரன்கள் வித்தியாசத்தில் வெற்றி பெற்றது.