நடிகர் கமல்ஹாசனின் 237வது படத்தை பிரபல சண்டை பயிற்சியாளர்களான அன்பறிவ் சகோதரர்கள் இயக்கும் நிலையில், அடுத்த ஆண்டு ஜனவரி மாதம் படப்பிடிப்பு துவங்க இருப்பதாக தகவல் வெளியாகியுள்ளது. மேலும் ஆக்சன் படமாக உருவாக இருப்பதாகவும் அன்பறிவ் சகோதரர்கள் தெரிவித்துள்ளனர். இந்தியன்-2 படத்தை தொடர்ந்து, மணிரத்னம் இயக்கத்தில் தனது 234வது படமான 'தக் லைப்' படத்தில் கமல் நடித்து முடித்துள்ளார். இதையடுத்து அவரது 235வது படத்தை இயக்குநர் பா.ரஞ்சித்தும், 236வது படத்தை இயக்குநர் நெல்சனும் இயக்க உள்ளதாக தகவல் வெளியானது. இதனிடையே கமலின் 237வது படத்தை அன்பறிவ் சகோதரர்கள் இயக்குவதாக ராஜ்கமல் பிலிம்ஸ் நிறுவனம் அதிகாரப்பூர்வ அறிவிப்பை வெளியிட்டது.